PINGKO PINGKO ANAK SINTENGAH

Oh Bapa Muham simerampang,
oh nande karo si pepiher takalku ndube
si la meteh suari ,la meteh berngi
pesikap dalan man anak sipitu sada dalanen
ngepkep sekolah kami anak si enterem,
piah tande tahun kutahun

Lawes lawes sada anak matandu e bapa,nande,
merap i taneh jawa, kuta perlajangen kap ndube
tetap ka nge kap kujuma , muro terus rani
katawari nari nge kam ngadi-ngadi
adi lalap nge kami man ongkosen
piah mentar buk bas takal, mata pe enggo ka la terang
oh bapa, oh nande gejab kami nge kerina e....

Genduari enggo mbelang juma kami itaneh perlajangen,
lanai man buron, lanai man seme en
e ta rani ndai bapa, mari dage nande beru surbakti
bage kal pingko-pingko kami anakndu sinterem
tapi lanai kal kam ngaloi nande, bapa
andiko lenget na e, andiko getemna e
kuga denga ningkami ngelebuh kam duana
genduari kam duana enggo bas sorga.....

Oleh Drs Mustahari sembiring sang muham.-
(JT)Pondok bambu istanaku, Sabtu 29 Juni 2013. 21:05wib.