enggo belang taneh kusiar,
gedang dalin enggo kudalani,
la kugejab, umur pe enggo ka tande
ngayak ngayak kinigeluhen, pesikap tutur nande ras bapa
sila meteh wari karaben entah pe erpagi pagi,
ngarak ngarak kami si pitu sada dalanen...
bagem nande, bagem bapa , genduari enggo tumbas daging ni baba
enggo mehuli tutur jabunta bas jelma si enterem,
enggo simpar lumbung pagenta, entah lanai bo terbeligai pundi pundi ni jabu...
pustaka kegeluhen pe enggo suratken kami alu tinta emas...
tapi genduari , kuja nari aku nuri nuri nande, kuja aku ngerana bapa ??
enggo gia dung tegundu maka kam lawes, aron jabunta lalap kap man persadan....
marpar nge pagi sipitu sada dalanen, kisamken gana gana kegeluhen...
entah lasam nge pagi merga si kubaba, sasap ken awih doni enda
entah ku persoken nge pagi dareh sinikula, sebab lanai kugejab ken ukur agi kaka
andiko getem ne bapa, andiko melenget na e nande beru karo....
man bandu o TUHAN, ku peseh pingko pingko ku, anak sintengah sipitu sada dalanen
ula min pediatNDU kami mombak, ula min pediatNDU kami marpar...
lasam kal pagi tutur meganjang, lalit ertina daging si tumbas...-
------ : mustahari sembiring, Pengulu kuta Susuk, tambak si mbelang.--
Artinya :
Tlah luas negri kujalani,
tlah panjang jalan yang kuukur,
tak terasa, usia pun kini condong ke senja,
mengejar magna hidup dan kehidupan,menata jejak strata sosial ,
menyiapkan tikar duduk ayah dan ibu ; orang yang tak berhitung atas penat ...
dan jatuh bangunnya, saat menata buah hati tujuh bersaudara,....
duh ibu....duh bapak...
kini segalanya telah tergapai, kehormatan ibu bapak telah kupulihkan,
tegak megah kujaga dengan segenap jiwa raga,...lumbung bekal hidup pun telah berlimpah ruah., luruh kebumi....sejarah kehidupan kuguratkan dengan tinta emas,...
tapi kini, kau telah pergi,..
meskipun amanah hidup telah tunai kau bayarkan...tapi menata hati, menjalin erat tali silaturahmi harus tetap dibenahi...
agar tak lekang tali pemersatu, tak pula nista marga dibawa...
duh ibu , duh bapak...kini asa telah lelah, penat dihempaskan sandiwara kehidupan..kerna hilangnya tata krama, kerna silaunya harta dunia...
mestikah kupingkiri karma, haruskah kuabaikan nilai luhur yang mengalir sepanjang nadi..atau kuingkari saja garis keturunanku...?
duh ibu...duh bapak..betapa remuk redamnya hati, luluh lantak sanubariku ..dihadapkan fakta yang mengoyak hati nurani...
bagiMU yang Tuhan, kuteriakkan gelisahku, galau jiwa hentakan panggung dunia,.inilah pintaku putra ketiga tujuh bersaudara...
jangan biarkan kami cerai berai,...
jangan biarkan kami hanyut,sebab semuanya tak kan bermagna, bila rantai terlepas tanpa simpul pengikat...xxxxxxxxx
Tidak ada komentar:
Posting Komentar